HStAOrient5a: 59v

Ben daḫı dėdüm‑ki fermān sizüñdür. Pes eyitdi‑ki qavlüñ nedür // ol ġāṣıb haqqında ki çūb‑i ābnūsı ġaṣb ėdüb // bināʾ‑i dārına ilḥāq ėtdi ve der‑ü dīvārına hezār dīnār // ḫarc ėtdi. Baʿdehū mālik‑i ābnūs ʿayn‑i ābnūsı bulub // şāhidīn iqāmet ėtdi. Ben cevāb vėrdüm‑ki qable // l‑qażā mālik‑i ābnūsdan qıymetine rıżā ṭaleb ėderüm. // Rāżī olmaz‑ise ābnūsı [mālik] binādan qalʿ ėdüb // mālike defʿ ėderüm. Pes Muḥammed bin Ḥasan dėdi‑ki peyġamber ʿaleyhi // ṣ‑ṣalātu ve‑s‑selām buyurmadı‑mı [merdi İmām Muḥammeddür] ki [lā ḍarāra wa‑lā iḍrāra fī l‑islām. Ben daḫı dėdüm‑ki] ġāṣıb żararını // nefsine gendüsi ėtdi ol zamānda ki māl‑i maġṣūb üzerine binā vażʿ ėtdi. İʿtirāż: Muḥammed bin el‑Ḥasan dėdi ki // Qavlüñ nedür ki bir kimse ibrīşim ġaṣb ėdüb cerāḥat‑i // şiken dikse mālik‑i ibrīşim is̱bāt‑i ḥaqq ėtdükde şikem‑i ġāṣıb // şikāf olınub ʿayn‑i ibrīşim ṣāḥibine teslīm olınur mı // olınmaz mı? Cevāb vėrüb ben dėdüm ki olınmaz. Pes Muḥammed // bin el‑Ḥasan Allāhu ekber gendü qavlüñe ḫilāf muqarrer oldı // dėdi. Cevāb: Ben dėdüm ki ʿinān‑i münāẓara irḫā ve semʿ‑i // qabūl ile ıṣġā olınursa cevāba ictirā olınur. // Pes anlar daḫı iqbāl ü inbisāṭ gösterdükde dėdüm ki